Su pensionau corbau in is bìngias de Is Arribotus si narat Giuseppe Crastus de setant’annus de etadi. Su veìculu (‘na Fiesta) est stètiu agatau ingunis aundi ci funt is matas de eucaliptus ma aintru non ci fiat nisciunus, e duncas is duas fèminas chi si funt firmadas andendi po Matzaccara, anti corbau s’òmini mortu in terra. Funt partìus sùbitu is agiudus dae su 118 in paris a is Carabinieris de Narcau e is agentis de su Cummissariadu de Carbònia, prus su mèigu de sa lei(legali), chi at acertau sa morti e at permìtiu chi is familiaris de s’antzianu ndi podenta portai su corpu in domu. Parit chi s’isfortunau at fìncias provau a torrai a cou in sa màchina, ma est stètiu truncau de unu colpu a su coru(infartu) e non est arrinnèsciru a pregontai mancu agiudu. Berus est chi mancai incora giòvunu ci tennera callincuna malatia de cussas etadis. Fiat torrau po si gosai sa pensioni cun sa mulleri a pustis de na vida passada in Brèscia po traballu.
Pietro Marroccu
