Custa cida passada si sunt insediados, cun setziadas trancuillas, is consìlios comunales novos de Masainas, Perdaxus, Narcau e Villaperùciu, e a lestru s’ant a insediare puru in Santuanni Suergiu, Domunosa, Bugerru e Gonnesa invècias Carbònia at trigare ancora. Pietro Morittu a pustis chi dd’iant elìgidu aiat decraradu chi sa giunta iat a èssere istada pronta in 20 dies e sunt passadas giae 2 cidas. Siguramente su de Morittu, chi in su mentres at tentu unos cantu atòbios istitutzionales cun is dirigentes iscolàsticos e su commissàriu de sa provìntzia de su Sud Sardigna, non est còmpitu fàtzile: depet pònnere de acòrdiu is 6 listas chi dd’ant sustènnidu – e is postos a disponimentu in giunta non bastant pro acuntentare a totus – e in prus depet tènnere in cunsideru sa chi narant “cuota rosa”. A su chi contant is bene informados at dimandadu a is rapresentantes de is listas chi dd’ant sustènnidu de presentare una rosa de nùmenes “resonados” e est bessende a pillu s’ipòtesi de assessores tècnicos "a tempo" chi iant a deper traballare pro obietivos.
Mèrcuris s’onorevole Giorgio Oppi in Consìliu Regionale at decraradu ca su CTO de Igrèsias fiat prontu a tancare in 10 dies ma s’assessore a sa sanidade Mario Nieddu at negadu de su totu custa possibilidade. Nieddu at amìtidu chi nc’at problemas mannos de personale – ammancant figuras in radiologia e in chirurgia – ma at assiguradu chi sunt istudiende una solutzione lestra cun sa dirigentza de ATS e sa ASSL locale.
Dae su territòriu no sighit a no arribare nisciuna novidade ufitziale in contu de cuntàgios de covid e duncas nisciuna nova est una nova bona e aici, a bellu a bellu, si provat a torrare a sa normalidade cun manifestatziones fatas cun sa presèntzia de su pùbblicu. At tentu unu sutzessu mannu meda de bisitadores (giae 200) sa mostra “Su Sposòriu” cuncordada sàbudu in su centru sociale de Nuxis dae s'assòtziu folklòricu Sant’Elia. Cun sa collaboratzione de 8 grupos folk de su territòriu at presentadu unu sèculu de evolutzione de is bistimentas chi is meurreddus si costumaiant a pònnere in d-una ocasione de importu mannu che una coja.
Domìniga est andada gente meda puru a sa de cincu editziones de sa “Passillada in mesu de is olias” organizada dae s’amministratzione comunale de Santadi chi fait parti de s’assòtziu natzionale “Città dell’Olio” cun àteros 172: ocannu unas 50 personas ant bisitadu su situ archeòlogicu de Pani-Lòriga aundi in totu ddoi at 5.000 matas de ollastru cun is ghias ant ispiegadu sa produtzione e s’impreu de s’ollu de olia in su tempus de is pùnicos.
Ocannu su Carbonia Calcio, impegnadu in su girone G de campionadu de serie D, no at inghitzadu bene: dae chi at giogadu 5 partidas est resèssida a paregiare sceti 2 bortas. Podet èssere chi sa torrada de Samuele Curreli, chi est su giogadore sulcitanu in atividade prus forte e chi sighit sa traditzione sua de no acabare mai unu campionadu cun sa pròpiu iscuadra (aiat inghitzadu in sa Monteponi), portit gol e massimamente esperièntzia a un’iscuadra giòvuna meda sende chi s’edade mèdia est de pagu prus de 20 annos.
A pustis de 5 partidas sunt incumentzende a pigare sètiu is classificas de is campionados regionales diletantes. In su girone A de promotzione regionale sa Monteponi de Igrèsias est prima a puntègiu prenu; est in mesu de sa classìfica su Cortoghiana cun 7 puntos; sunt a s’ùrtimu postu cun 3 puntos scenti s’Atletico Narcao, sa Fermassenti e su Villamassargia chi però at giogadu sceti 3 partidas. In su girone A de prima categoria sa Verde Isola de Carloforte cun 13 puntos est prima impari a su Capoterra, funt a coa is àteras sulcitanas: fintzas a imoi at sèmper pèrdidu s’Antiochense 2013, una binta sceti pro su Domusnovas JSE, 4 puntos pro s’Atletico de Villaperùciu chi in tres ocasiones s’est fatu bìnchere in su recùperu.
ITALIANO
Notizie dal Sulcis in pillole Dal 18 al 24 ottobre
La settimana appena trascorsa, con sedute molto tranquille, si sono insediati i nuovi consigli comunali di Masainas, Perdaxus, Narcao e Villaperuccio e a breve si insedieranno anche quelli di San Giovanni Suergiu, Domusnovas, Buggerru e Gonnesa mentre tarda ancora Carbonia. Infatti Pietro Morittu subito dopo la sua elezione ha dichiarato che la giunta sarebbe stata pronta in 20 giorni e sono già trascorse 2 settimane. Certamente il compito di Morittu, che nel frattempo ha avuto alcuni incontri istituzionali con i dirigenti scolastici e il commissario della Provincia del Sud Sardegna, non è semplice: deve riuscire a mettere d’accordo le sei liste che lo hanno sostenuto – i posti disponibili in giunta non sono sufficienti per accontentare le richieste di tutti – e inoltre dovrà tenere in considerazione le c.d. quote rosa. A quanto raccontano i soliti bene informati ha chiesto ai rappresentanti delle liste che lo hanno sostenuto di presentare una rosa di nomi ragionata e sta emergendo l’ipotesi di assessori tecnici a tempo che dovrebbero lavorare per obbiettivi.
Mercoledì scorso l’onorevole Giorgio Oppi ha dichiarato in Consiglio Regionale che il CTO di Iglesias avrebbe chiuso nel giro di 10 giorni ma l’assessore alla sanità Mario Nieddu ha categoricamente smentito questa possibilità. Nieddu ha ammesso i gravi problemi di personale – mancano figure in radiologia e chirurgia – ma ha assicurato che si stanno cercano soluzioni rapide con la dirigenza di ATS e la ASSL locale.
Non si hanno novità ufficiali riguardo nuovi casi di covid dal territorio e dunque nessuna nuova è buona nuova così, lentamente, si prova a tornare alla normalità con la realizzazione di manifestazioni svolte con la presenza del pubblico. Ha avuto un gran numero di visitatori (quasi 200) la mostra “Su Sposòriu” organizzata sabato nei locali del contro sociale di Nuxis dal associazione folklorica Sant’Elia. Grazie alla collaborazioni di 8 gruppi del territorio ha presentato cento anni di evoluzione dell’abito tradizionale dei meurreddus che veniva utilizzato in occasioni importanti come era appunto il matrimonio.
Domenica hanno partecipato in tanti anche alla quinta edizione della “Passeggiata tra gli ulivi” organizzata dall’amministrazione comunale di Santadi che fa parte dell’Associazione Città dell’Olio assieme ad altri 172 comuni italiani: quest’anno una cinquantina di persone hanno visitato il sito archeologico di Pani-Loriga e i suoi dintorni dove ci sono 5.000 olivastri e le guide del sito hanno raccontato la produzione e l’utilizzo dell’olio di oliva ai tempi dei punici.
Quest’anno il Carbonia Calcio, impegnato nel girone G del campionato di Serie D, non ha iniziato nel migliore dei modi: dopo avere disputato 5 partita è riuscito a strappare soltanto 2 pareggi. Può darsi che il ritorno di Samuele Curreli, il miglior calciatore sulcitano in attività che continua con la sua tradizione di non concludere mai un campionato con la stessa casacca (aveva iniziato alla Monteponi), porti gol e soprattutto esperienza ad una squadra assai giovani considerando che l’età media è di poco sopra i 20 anni.
Dopo 5 gare disputate iniziano a prendere forma anche le classifiche dei campionati regionali dilettanti. Nel girone A di promozione regionale la Monteponi di Iglesias è prma a punteggio pieno, si trova a centro classifica il Cortoghiana con 7 punti; all’ultimo posto con soli 3 punti l’Atletico Narcao, la Femassenti e il Villamassargia che però ha disputato 2 gare in meno. Nel girone A di prima categoria la Verde Isola di Carloforte è in testa a pari punti col Capoterra (13), molto indietro le altre sulcitane: ha sempre perso l’Antiochense 2013, una sola vittoria per il Domusnovas JSE, 4 punti per l’Atletico Villaperuccio che in tre partite si è fatto superare durante il recupero.
