SARDU
Is resurtados de is eletziones amministrativas de su 10 e s’11 de mese de ladàmine.
Domìniga e lunis s’est votadu pro is eletziones amministrativas in 9 comunos sulcitanos. S’affluèntzia est de unos 2 puntos prus bàscia in is comunos prus minoreddos (Masainas, Bugerru, Narcau e S.G. Suèrgiu) 5 puntos prus bàscia in Carbònia e in is comunos chi si podent cunsiderare mesanos (Gonnesa e Domunosa), prus bàscia meda in Villaperùciu (-15 %) ma curriat una lista sceti, prus arta de 2 puntos in Perdaxus aundi però is listas fiant 3.
In Carbònia, chi fiat su comunu prus mannu e cabulogu de sa Provìntzia de su Sud Sardigna, est acabada s’esperièntzia tribolada de su monocolore de su M5S. At bintu cun prus de 65% Pietro Morittu chi fiat sustènnidu dae su PD e àteras 5 listas cìvicas chi in pràtica fiant sa pròpiu coalitzione chi aiat pèrdiu su ballotàgiu de su 2016 contras a su M5S. Intr’e is listas de sa coalatzione est de sinnialare su resurtadu de Carbònia Avanti, chi tenit pro riferimentu su consilieri regionali de su PSdAz Fabio Usai, lòmpida a su 19% e ponit 5 consilieris. Si firmat a su 21% s’ex consilieri regionale Luca Pizzuto cun sa lista de Art.1 chi leat s’11% e sa de su M5S chi si firmat a su 5.67%; pagu e nudda ant arregortu is listas de su PSI e de su PCI chi no ant pigadu mancu s’1%. Est de sinniallare sa rutroxa de sa lista de su M5S chi cunfronta a su 2016 at pèrdidu sa bellesa de prus de 2000 votos e custu datu si podet cunsiderare un’iscrocorigadura manna ma arrinnescit a su pròpiu a nche fàere essire unu consilieri comunale. Arribat giai su 13% s’abogadu Daniela Garau (tzentru-dereta) chi ammeliorat de unu pagheddu su datu chi aiat otentu 5 annos a coa e si portat avatu 2 consilieris comunales.
In Villaperùciu nci fiat una lista sceti chi depiat bìnchere su quorum chi in comunos cun prus pagu de 15.000 residentes est istadu abàsciadu a su 40%. Marcellino Piras est arribadu a s’obietivu a ora de cena domìniga cun s’afluèntzia totale – non contende is eletores residentes in s’èsteru – chi est prus o mancu est a su 60%: unu datu bonu meda pro su sìndigu nou baroniesu chi legitimat s’atzione amministrativa in su benidore.
Mudat de su totu s’amministratzione in Narcau aundi at bintu s’abogadu Antonello Cani chi a pustis de unu parègiu in is fratziones de Terraseu e Arriu Murtas est arrènnescidu a donare 77 votos de iscartu in is 2 setziones de su tzentru a sa dotora Maria Rosaria Montisci arribende a su 51,84%. Candu s’est scìpidu chi Cani aiat bintu is sustenidores suos, prexados meda, ant incumentzadu a fàere festa andende a vetura peri su boddeu sonende su clacson.
In Masainas puru s’amministratzione noa no at a èssere in continuidade: infatis Gianluca Pittoni at leadu 47 votos in prus (52,51%) de su vicesìndigu Ilaria Portas mancai Ivo Melis, sìndigu pro 15 annos, apat pigadu preferèntzias meda.
Sunt duos is sìndigos cunfirmados e sunt duas fèmminas. In Bugerru Laura Cappelli arribat a curtzu de su 58% donende 122 votos de iscartu a Ignazio Piras e duncas s’atzione amministrativa sua est promòvida dae is cuntzitadinos suos. Trionfu mannu pro Elvira Usai in Santu Giuanni Suèrgiu: cun 2.274 cunsensos fiat acanta de pigare a duas bortas su tanti de Eloise Carboni, firma sceti a 1.180 votos.
Fiant 2 is comunos cun 3 listas e in toteduos is chi ant bintu ant otentu sa magioràntzia assoluta de is cunsensos. In Gonnesa a pustis de 5 annos Hansell Cabiddu torrat sa fàscia de sìndigu a Pietro Cocco: infatis cun 1.588 votos est arribadu su 53% lassende atesu Cabiddu etotu (pagu prus 33%) e Antonello Casu (13%).
A pustis de un’annu de commissariamentu Gianluigi Loru est su sìndigu nou de Perdaxus: cun su 53,66% de is votos e at lassadu a coa s’ex vicesìndigu Giacomo Santus (24,87%) e Luca Argiolas (21,47%).
In Domunosa invècias is candidados fiant 4 e at bintu in manera crara Isangela Mascia chi est arribada a curtzu de 46%; atesu meda Maria Giovanna Carta (22,1%) e Anna Maria Di Romano (16,5) ùrtimu su sìndigu in càrriga Massimiliano Ventura cun su 15,5% chi siguramente at pagadu salida e chena de sale totus is problemàticas de “s’àcua”.
S’augùriu chi chini iscriet custa rubrica faet a is amministradores, bècios e “nueddos”, est resèssere a traballare totus impari pro su bene de su logu nostru.
ITALIANO
I risultati delle elezioni amministrative del 10 e 11 ottobre.
Lunedì e domenica scorsi si è votato per le elezioni amministrativi in 9 comuni sulcitani. L’affluenza, rispetto alle elezioni precedenti, è stata di circa 2 punti più bassa rispetto nei comuni di dimensioni minori (Masainas, Buggerru, Narcao e S.G. Suergiu), 5 punti più bassa a Carbonia e nei comuni che possono essere considerati di medie dimensioni (Gonnesa e Domusnovas), molto più bassa più bassa a Villaperuccio (-15%) dove era in campo una sola lista, più alta di 2 punti a Perdaxius però erano presenti 3 liste.
A Carbonia, il comune più grande e capoluogo della Provincia del Sud Sardegna, si è conclusa l’esperienza tribolata del monocolore targato M5S. Con oltre il 65% ha vinto Pietro Morittu espressione del PD e di 5 altre liste civiche che in pratica rappresentavano la stessa coalizione uscita sconfitta dal ballottaggio di 5 anni fa contro il M5S. Tra le liste della coalizione vincente è notevole il risultato di Carbonia Avanti, che ha come punto di riferimento il consigliere regionale del PSdAz Fabio Usai, che col 19.5% riesce ad elegere 5 consilieri. Si ferma al 21% l’ex consigliere regionale Luca Pizzuto con la lista di Art.1 che prende l’11% e quella del M5S che si ferma al 5.67%; le liste del PSI e del PCI sono rimaste sotto l’1%. Da segnalare il tonfo della lista del M5S che rispetto alle elezioni comunali 2016 ha perso oltre 2.000 voti e questo dato si può considerare come una sonora bocciatura da parte dei cittadini ma riesce comunque ad eleggere un consigliere comunale. Arriva a circa il 13% l’avvocato Daniela Garau (centrodestra) che riesce a migliorare leggermente il dato di 5 anni e grazie a questo risultato porterà in consiglio 2 consiglieri.
A Villaperuccio c’era soltanto una lista che doveva battere il quorum strutturale che nei comuni con popolazione inferiore ai 15.000 abitanti è stato abbassato al 40%. Marcellino Piras è arrivato all’obbiettivo domenica sera verso le 20 con l’affluenza totale – escludendo gli elettori residenti all’estero – che prossima al 60%: un dato molto positivo per il neo sindaco baroniese che legittima l’azione amministrativa futura.
Cambia del tutto l’amministrazione a Narcao: ha vinto l’avvocato Antonello Cani che dopo aver sostanzialmente pareggiato nelle due frazioni di Terraseo e Rio Murtas è riuscito a dare 77 voti di scarto nelle 2 sezioni del centro alla dottoressa Maria Rosaria Montisci arrivando al 51,84% scatenando la gioia dei suoi sostenitori che hanno festeggiato con dei caroselli di autonobili per il paese.
Anche a Masainas non ci sarà continuità con la nuova amministrazione: infatti Gianluca Pittoni ha preso 47 voti in più di Ilaria Portas, sostenuta dal sindaco uscente Ivo Melis abbia raccolto un considerevole numero di preferenze individuali.
Sono due i sindaci confermati e si tratta di due donne. A Buggerru Laura Cappelli arriva vicino al 58% dando 122 voti di scarto a Ignazio Piras e dunque la sua azione amministrativa è stata pienamente promossa dai suoi concittadini. Grande trionfo per Elvira usai a San Giovanni Suergiu che con 2.274 voti ha praticamente doppiato Eloise Carboni, ferma a 1.180 consensi.
Erano 2 i comuni dove erano presenti 3 liste e in entrambi i vincenti ha vinto ha ottenuto la maggioranza assoluta dei consensi. A Gonnesa dopo 5 anni Hansel Cabiddu restituisce la fascia di sindaco a Pietro Cocco: infatti con 1.588 voti è arrivato al 53% lasciando molto indietro lo stesso Cabiddu (poco oltre il 33%) e Antonello Casu che ha ottenuto solo il 13%.
Dopo un anno di commissariamento Gianluigi Loru col 53,66% è il nuovo sindaco di Perdaxius che ha distanziato nettamente l’ex vicesindaco Giacomo Santu (24.87%) e Luca Argiolas (21,47%).
A Domusnovas i candidati in corsa erano 4 wìe ha vinto in maniera netta Isangela Mascia che è arrivata al 46%; molto indietro Maria Giovanna Carta (22,1%) e Anna Maria di Romano (16,5%), arriva ultima col 15,5% il sindaco in cariga Massimiliano Ventura col 15,5% che sicuramente ha pagato un prezzo molto elevato la gestione della problematica “acqua”.
Chi scrive questa rubrica rivolge agli amministratori, vecchi e nuovi, è di riuscire a lavorare assieme per il bene del Nostro Territorio.
