NOTA! Questo sito utilizza i cookie e tecnologie simili.

Se non si modificano le impostazioni del browser, l'utente accetta.

Approvo
20
Wed, Oct
23 Nuovi articoli

Sa cida sulcitana in curtzu. Dae su 27 de cabudanni e a su 03 de mese de ladàmine. (BILINGUE)

Novas in Sardu (LSC)
Aspetto
Condividi

Sa cida sulcitana in curtzu. Dae su 27 de cabudanni e a su 03 de mese de ladàmine.

Custa cida su tempus fiat bellu meda e est arribada un’undada manna de clandestinos in su Sulcis. Lunis a note is Carabineris nd’ant agatadu 12 (nci fiant puru 1 fèmmina e 2 pipieddos) in Su Cabu; Martis a note is mezos de sa capitanèria de portu de S.Antiogu dae chi ant arricidu unu SOS ant tragadu una barchita cun 15 òmines a su portu cummertziale. Dae cenàbara a domìniga nd’at arribadu 84: parte ddos ant intertzetados in mare, parte sunt calados deretos in is pràgias de Porto Pino e inderetura in Portu Paleddu in comunu de Portescusi. Comente semper is Fortzas de s’Òrdine nche-ddos ant lòmpidos a su centru de collidura de Muristenis pro incarrerare is protzeduras de identificadura e espulsione.

Cenàbara is traballadores de is ditas de apaltu de sa Portovesme srl ant fatu 2 oras de sciòpiru pro protestare contras a su trasferimentu de unas cantu operàios e fintzas pro acrarire unas cantu chistiones chi pertocant is cunditziones de traballu. Parit chi siat acostende su partèntzia de s’impiantu de Sider Alloys: sunt arribadas is cellas eletrolìticas noas e àteras sunt istadas assetiadas pro produtziones noas (150 miliones de èuros su valore de s’investimentu). Duncas faci a su mese de abrile iant a deper torrare a partire su protzessu de funderia e a s’acabu de s’annu iant a deper fàere sa primu colada de allumìniu primàriu cun su prètziu de custu chi est artziadu a 3.000 dòllaros a tonnellada in su mercadu internatzionale, unu datu bonu meda chi non si bidiat dae 13 annos. Abarrant ancora abertas is chistiones burocràticas chi pertocant sa valutatzione de impatu ambientale e s'Autorizatzione integrada ambientale, ma a su chi parit sunt bene incarreradas custas puru: is ufìtzios de sa provìntzia sunt aprontende is documentos chi ant a èssere presentados in sa confurèntzia de servìtzios prevèdida pro su 20 de custu mese. Custas sunt novas bonas de diaderus pro 400 traballadores chi ant domandadu de partecipare a cursos de formatziones e incumentzant a bìere sa prospetiva cuncreta de poder torrare a intrare in manera istàbile in sa sienda.

In Sant’Antiogu ant obertu su segundu bandu pùbblicu destinadu a agiudare is atividades chi ant tentu limitatziones pro more de sa pandemia. Su bandu prevedit 750 èuros a “fondo perduto” pro is siendas chi tenint sea operativa in su territòriu de S.Antiogu. Dae su Comunu faent ischire chi ant crèschidu sa platea de is còdighes ATECO (est a nàrrere sa classificatzione de is atividades segundu s’ISTAT) e non podent partecipare is chi ant giae otentu unu contributu cun su primu bandu. Is dimandas iscadint su 24 de mese de ladàmine chi benit.

Sàbudu a mangianu in sa piscina de Igrèsias s’est fatu “Swim'n'Swing”, est nàrrere “sona e annada” unu progetu de inclusione sotziale multidisiciplinare chi poniat impari sa mùsica, sa psicoterapia e s’annadu. Nci fiat unu testimonial de importu mannu: su campione mondiale Filippo Magnini e duos grandos musicistas che Max Rosati e Massimo Moriconi. Est prexadu meda su sìndigu Mauro Usai chi at nadu ca su progetu est bellu meda e at a intrare in is polìticas sociales de su comunu sende chi rapresentat una manera noa de criare inclusione sociale e isperimentare terapia noas.

Domìniga e lunis chi benit si votat pro su sìndigu e su consìliu comunale in 9 comunos de su Sulcis e acabat sa campagna eletorale chi est istada caraterizada dae s’impreu mannu de is social network. De sinnialare su livellu artu meda de sa propaganda fata dae is listas in Santu Giuanni Suèrgiu aundi si bidet sa manu de professionistas de sa comunicatzione e is memes satìricos de sa pàgina Facebook “Complottristi per Carbonia” chi ant pigadu a befa a totus is candidados faende rìere a totus.

Casos meda de covid-19 in Bidda Massàrgia aundi ddoi at prus de 30 positivos e su sìndigu no escludit de leare mesuras severas pro chircare de firmare s’ispainadura. Custu datu nos regordat, mancai su vacinu siat faende brofetu mannu, ca su perìgulu no est passadu ancora e duncas est pretzisu a rispetare is normas de igene e de distantziamentu sotziale.

Abarrade sanos!

A cura di Roberto Pinna
ITALIANO

Dal 27 settembre al 3 ottobre.

Questa settimana è arrivata una nuova ondata di clandestini nel Sulcis. Lunedì notte i Carabinieri ne hanno intercettato 12 nei pressi di Capo Sperone (tra questi vi erano anche una donna con due bambini); martedì notte i mezzi della Capitaneria di Porto dopo aver ricevuto un SOS hanno rimorchiato una barca con 15 persone a bordo al porto commerciale. Da venerdì a domenica invece sono arrivati in 84: in parte sono stati intercettati in mane, in parte sono stati fermati nelle spiagge di Porto Pino (S.A.Arresi) e addirittura a Porto Paglietto (Portoscuso). Come sempre il personale delle Forze dell’Ordine gli ha accompagnati al CPA di Monastir per l’avvio delle procedure di identificazione e di espulsione.

Venerdì i lavoratori delle ditte d’appalto della Portovesme srl hanno scioperato per 2 ore per protestare contro il trasferimento di alcuni operai e per chiarire alcune questioni che riguardano le condizioni di lavoro.

Sembra invece che si stia avvicinando la ripartenza dell’impianto della Sider Alloys: sono arrivate le nuove celle elettrolitiche e altre sono state adattate per nuove tipologie di produzione (150 milioni di euro il valore dell’investimento). Dunque verso il mese di aprile dovrebbe ripartire il processo di fonderia e per la fine dell’anno dovrebbe avvenire la prima colata di alluminio primario col prezzo di quest’ultimo che è salito a 3.000 dollari a tonnellata nel mercato internazionale, un dato molto buono che non si vedeva da 13 anni. Restano ancora aperte le questioni burocratiche che riguardano l’autorizzazione integrata ambientale ma a quanto pare anche questa faccenda è ben avviata: gli uffici della provincia stanno preparando i documenti che saranno presentati nella conferenza di servizi prevista per il 20 di questo mese. Questo sono ottime notizie per i 400 lavoratori che hanno chiesto di poter partecipare a corsi di formazione e dunque cominciano a vedere la prospettiva concreta di poter rientrare stabilmente in azienda.

L’amministrazione comunale di Sant’Antioco ha aperto il secondo bando per aiutare le attività che hanno avuto limitazioni a causa della pandemia. Il bando prevede 750 euro a fondo perduto per le aziende che hanno la sede operativa nel territorio comunale. Dal municipio fanno sapere che è stata accresciuta la platea dei codici ATECO (cioè la classificazione delle attività secondo l’ISTAT) e che non possono partecipare le attività che hanno già ottenuto un contributo con il primo bando. La scadenza delle domande è fissata il 24 ottobre prossimo.

Sabato mattina nella piscina di Iglesias si è svolto l’evento “Swim'n'Swing”, ossia “ritmo e nuoto”, un progetto di inclusione sociale multidisciplinare che ha unito la musica, la psicoterapia e il nuoto. Testimonial d’eccezione erano il campione Filippo Magnini e i musicisti come Max Rosati e Massimo Moriconi. Soddisfatto per la riuscita dell’evento il sindaco di Iglesias Mauro Usai che ha dichiarato che questo progetto entrerà sicuramente nelle politiche sociali del comune in quanto rappresenta una maniera nuova di creare inclusione sociale e di sperimentare nuove iniziative.

Domenica e lunedì prossimi si svolgeranno le elezioni amministrativi in 9 comuni sulcitani e dunque volge al termine la campagna elettorale che è stata caratterizzata dall’impiego dei social network. Notevole il livello elevato della propaganda delle due liste di San Giovanni Suergiu dove è evidente la mano di professionisti della comunicazione e i meme satirici della pagina Facebook “Complottristi per Carbonia” che hanno preso in giro tutti i candidati a sindaco strappando un sorriso a tutti quanti.

Si registrano molti casi di covid a Villamassargia dove ci sono più di 30 positivi e il sindaco non esclude l’adozione di misure severe per fermare la diffusione. Questo dato ci ricorda che, nonostante il vaccino stia producendo ottimi risultati, il pericolo è ancora presente e dunque occorre rispettare costantemente le norme di igiene e di distanziamento sociale.